Undirbúningsframkvæmdir vegna virkjunar Hvalár í Ófeigsfirði geta hafist strax og framkvæmdaleyfi Árneshrepps hefur verið gefin út. Til að svo megi verða þurfa eftirfarandi leyfi að liggja fyrir:
• Samningur um tengingu virkjunarinnar við Landsnet þarf að liggja fyrir áður en Orkustofnun gefur út virkjunarleyfi
• Virkjunarleyfi Orkustofnunar
• Samþykkt aðal- og deiliskipulag Árneshrepps
Breytingum á aðal- og deiliskipulagi Árneshrepps hefur verið skipt í tvennt vegna þeirra rannsókna sem ólokið er. Fyrri breyting aðal- og deiliskipulags verður væntanlega tekin fyrir á fundi hreppsnefndar í janúar 2018.
Vinna við lokabreytingar aðal- og deiliskipulags eru í gangi og verða þær kynntar á vormánuðum 2018. Þar verða einnig kynntar mótvægisaðgerðir, í samræmi við álit Skipulagsstofnunar, ásamt tillögum að jarðstreng yfir í Ísafjarðardjúp, sem liggja mun að nýjum afhendingarstað raforku.
Árin 2018 og 2019 verða nýtt til rannsókna og undirbúningsframkvæmda fyrir eiginlegar virkjunarframkvæmdir. Þær felast m.a. í rannsóknum á bergi og jarðefnum. Eiginlegar virkjunarframkvæmdir gætu hafist sumarið 2020 og virkjunin gangsett haustið 2023. Virkjunarframkvæmdum lyki hinsvegar ekki fyrr en sumarið 2024.
Hér fyrir neðan má sjá kynningu á framkvæmdinni frá Verkís. Einnig er hægt að skoða kynninguna á fullum skjá hérna.